Ukrayna Prezidenti Volodimir Zelenski Nyu-Yorkda Suriya Prezidenti Əhməd Şara ilə görüşüb.
"Operativ Məlumat Mərkəzi-OMM" xəbər verir ki, BMT-nin ABŞ-də keçirilən 80-ci Baş Assambleyası üçün Nyu-Yorkda olan Zelenski "Telegram" hesabında paylaşım edərək Suriya Prezidenti Şara ilə görüşdüyünü bildirib.
Zelenski görüş zamanı Ukrayna və Suriyaya qarşı təhlükəsizlik təhdidləri, bu təhdidlərə qarşı mübarizə və ölkələr arasında əməkdaşlıq məsələlərinin müzakirə edildiyini qeyd edib: “Qarşılıqlı hörmət və etimada əsaslanan münasibətlərin qurulması barədə razılığa gəldik”.
Görüşdə iki ölkə arasında diplomatik əlaqələrin yenidən qurulmasına dair birgə bəyanatın da imzalandığını bildirən Zelenski vurğulayıb:
“Bu mühüm addımdan məmnunuq və Suriya xalqına sabitlik yolunda dəstək verməyə hazırıq” fikrini səsləndirib.
