OMM Redaksiyası
Rusiya Prezidenti Vladimir Putin yanvarın 28-də Moskvada suriyalı həmkarı Əhməd əl-Şara ilə görüşəcək.
"Operativ Məlumat Mərkəzi-OMM" Rəsmi Kremlə istinadən xəbər verir ki, tərəflər Suriyadakı keçid dövrü və regiondakı son hadisələri diqqət mərkəzində saxlayacaqlar.
Görüşün gündəliyinə müxtəlif sektorlar üzrə ikitərəfli əlaqələrin inkişaf perspektivləri və Yaxın Şərqdəki ümumi vəziyyət daxildir.
Rəsmi açıqlamada qeyd olunmasa da, hazırda Rusiyada sığınacaq tapan keçmiş prezident Bəşər Əsədin statusunun da müzakirə ediləcəyi gözlənilir.
Danışıqların digər mühüm mövzusu Rusiyanın Suriyadakı hərbi varlığı ilə bağlıdır. Xüsusilə "Tartus" və "Hmeymim" bazalarının gələcək taleyinin iki lider arasında müzakirə mövzusu olacağı ehtimal edilir.
Bu səfər Əhməd əl-Şaranın 2025-ci ilin oktyabrından sonra Rusiyaya ikinci rəsmi səfəridir. Həmin vaxt tərəflər münasibətləri "yenidən başlatmaq" üçün bir araya gəlmişdilər. Qeyd edək ki, Suriya lideri həmçinin ABŞ-dən ölkəsinə qarşı tətbiq edilən sanksiyaların rəsmən ləğv olunmasını tələb edib.
