“Qalatasaray” Fransanın “Oser” klubunda çıxış edən 17 yaşlı yarımmüdafiəçi Rudi Matondonu transfer hədəfləri sırasına daxil edib.
"Operativ Məlumat Mərkəzi-OMM" xarici KİV-ə istinadən xəbər verir ki, fransız–konqolu futbolçuya Türkiyə nəhəngi ilə yanaşı “Paris FK” də yaxından maraq göstərir.
Bundan başqa, “Strasburq” klubu da gənc oyunçunu izləyən komandalar arasındadır.
Rudi Matondo Fransanın U-18 millisinin üzvüdür və yığmada 3 oyunda meydana çıxıb. O, cari mövsümdə Liqa 1-də 16 matçda iştirak edib.
“Transfermarkt” portalının məlumatına əsasən, Matondonun “Oser”lə müqaviləsi 2028-ci ilin iyununa qədər qüvvədədir və futbolçunun hazırkı bazar dəyəri 3 milyon avro təşkil edir.
