"Qalatasaray" performansından razı olmadığı Elias Jelert haqqında qərarını verib.
"Operativ Məlumat Mərkəzi-OMM" xəbər verir ki, bu barədə türkiyəli jurnalist Yağız Sabuncuoğlu məlumat yayıb.
Qeyd edilib ki, Elias Jelert üçün ayrılıq görüşü keçirilib.
Danimarkalı sağ cinah müdafiəçisinin nümayəndəsi Casper Gronn Spiele "cimbom" ilə görüşmək üçün İstanbula gəlib.
"Qalatasaray" rəhbərliyi ilə görüş keçirən Spiele gənc oyunçuya gələn təklifləri kluba çatdırıb.
Oyunçunun gələcəyi ilə bağlı geniş müzakirələr aparılıb.
"Sarı-qırmızılar" şərtlərin uyğun olması halında Jelert ilə aralıq transfer dövründə yollarını ayıracaq.
"Qalatasaray"ın 9 milyon avroya heyətinə daxil etdiyi Jelert bu mövsüm 14 oyunda cəmi 396 dəqiqə oynama imkanı tapıb.
