Qabonda çevrilişçilər özlərinə prezident seçdiblər

Bir neçə gün öncə çevriliş olan Qabonda hərbi xunta general Bris Oliqui Nguemanı keçid dövrü üçün yeni prezident seçib.

"Operativ Məlumat Mərkəzi-OMM" xarici mediaya istinadən xəbər verir ki, Qabon Respublika Qvardiyasının komandanı olan general Nguemu devrilmiş ölkə başçısı Ali Bonqo Ondimbanın hakimiyyətdən uzaqlaşdırılmasını ona yeni müddətə seçilmək hüququ verməyən “prezidentin xəstəliyi” ilə izah edib.

Qeyd edək ki, Ondimba hazırda ev dustaqlığındadır. Digər hökumət üzvləri və prezidentin oğlu da saxlanılıb. O, dövlətə xəyanətdə ittiham olunur.