OMM Redaksiyası
“Sabah”ın qapıçısı Stas Pokatilov UEFA Çempionlar Liqasının liqa mərhələsinin ikinci turunun rəmzi komandasına daxil edilib.
Statistik göstəriciləri təhlil edən Sofascore portalının versiyasına əsasən, Pokatilov turun ən yaxşı futbolçularından biri seçilib. Onun çıxışı 9,7 balla qiymətləndirilib ki, bu da rəmzi komandadakı ən yüksək göstəricilərdən biridir.
Azərbaycan təmsilçisi evdə Çexiyanın “Slaviya” klubunu 2:0 hesabı ilə məğlub edib. Görüşü əvəzlənmədən keçirən Pokatilov qapısını toxunulmaz saxlayıb və altı seyvlə yadda qalıb.
Rəmzi komandada Pokatilovla yanaşı, “Bavariya”nın hücumçusu Harri Keyn (9,2 bal), PSJ-nin yarımmüdafiəçisi Dezire Due (9,4 bal) və “Barselona”nın vingeri Lamin Yamal (9,3 bal) da yer alıblar.
“Slaviya” üzərində qələbə “Sabah”ın Çempionlar Liqasının liqa mərhələsində ilk uğuru olub. Komanda ilk turda İngiltərənin “Mançester Yunayted” klubuna 0:4 hesabı ilə uduzub.
