OMM Redaksiyası
Müqavilə ilə Fransanın PSJ klubuna məxsus olan və hazırda icarə əsasında İngiltərənin "Tottenhem" komandasında çıxış edən Randal Kolo-Muani tezliklə klubunu dəyişəcək.
"Operativ Məlumat Mərkəzi-OMM" xarici KİV-ə istinadən xəbər verir ki, 27 yaşlı futbolçu mövsüm başa çatdıqdan sonra London təmsilçisində qalmayacaq.
Paris klubu da fransız hücumçuya ümid bəsləmir. Baş məşqçi Luis Enrikenin gələcək planlarına daxil olmayan oyunçunun transferə çıxarılacağı dəqiqləşib.
Mənbə qeyd edir ki, forvardın transfer dəyəri təxminən 40 milyon avro olaraq qiymətləndirilir.
Bu mövsüm ərzində "Tottenhem" forması ilə 37 matçda meydana çıxan Randal Kolo-Muani 5 qol və 4 məhsuldar ötürmə ilə yadda qalıb. Xatırladaq ki, futbolçunun PSJ ilə qüvvədə olan müqaviləsi 2028-ci ilə qədər nəzərdə tutulub.
