Pezeşkian: "İran bölgə ölkələrinə hücum etmək niyyətində deyil"

"ABŞ və İsrailin İrana hücumları dünya nizamının və qlobal təhlükəsizliyin pozulmasına səbəb ola bilər".

"Operativ Məlumat Mərkəzi-OMM" xəbər verir ki, bu sözləri İran prezidenti Məsud Pezeşkian deyib.

"Əgər beynəlxalq ictimaiyyət və beynəlxalq təşkilatlar İrana qarşı bu müharibəyə və hərbi təcavüzə səbəb olan kök səbəbləri araşdırıb müzakirə etməsələr, dünya nizamı və qlobal təhlükəsizlik pozulacaq və xaosa qərq olacaq", - o qeyd edib.

Pezeşkian həmçinin İranın Yaxın Şərqdəki Amerika hərbi bazalarına zərbələr endirməyə davam edəcəyini bildirib.

O bildirib ki, İran bölgədəki ölkələrə hücum etmək və ya onlarla münaqişəyə girmək niyyətində deyil:

"Özünümüdafiə hüququnun bir hissəsi olaraq, zərbələr yalnız ərazimizə hücumların həyata keçirildiyi hərbi bazalara endiriləcək".