İran Prezidenti Məsud Pezeşkian Ermənistanın Baş naziri Nikol Paşinyana təşəkkür edib.
"Operativ Məlumat Mərkəzi-OMM" xəbər verir ki, İran Prezidenti bununla bağlı "X" sosial şəbəkəsində erməni dilində paylaşım edib.
Məlumata görə, Məsud Pezeşkian Nikol Paşınyanın İranın keçmiş ali rəhbəri Əli Xameneinin vida mərasimində iştirakını xoşməramlılıq nümunəsi kimi dəyərləndirib və Ermənistan nümayəndə heyətinin səfərini yüksək qiymətləndirib.
Bildirilib ki, İran Prezidenti çıxışında Əli Xameneinin Ermənistanla münasibətlərin inkişafına xüsusi önəm verdiyini və bu ölkəni "dürüst qonşu" kimi xarakterizə etdiyini qeyd edib. O, iki ölkə arasında əlaqələrin qarşılıqlı maraqlar, hörmət və mehriban qonşuluq prinsipləri əsasında gələcəkdə də inkişaf edəcəyinə əminliyini ifadə edib.
Qeyd edək ki, Əli Xameneinin vida mərasimi Tehranda iyulun 3-dən 9-dək keçirilib. Tədbirin təhlükəsizlik səbəbindən əvvəlcədən planlaşdırılan tarixdən təxirə salındığı bildirilir.
