Afət Ziyadqızı
İran Prezidenti Məsud Pezeşkian ABŞ-ni Yaxın Şərqdəki hərbi təhdidləri aradan qaldırmağa çağırıb.
"Operativ Məlumat Mərkəzi-OMM"xəbər verir ki, Pezeşkian bu açıqlamanı İraqın baş naziri ilə telefon danışığı zamanı səsləndirib.
O, sosial şəbəkə platforması X-də yazıb: “ABŞ-ni bölgəmizdəki hərbi təhdidləri aradan qaldırmağa çağırdım. Şiə inancının davamçıları zorla məcbur edilə bilməz”.
"Tasnim News Agency"nin məlumatına görə, telefon danışığı zamanı İraq tərəfi Bağdadın İran və ABŞ arasında mümkün danışıqlara ev sahibliyi etməyə hazır olduğunu bildirib. İraqın baş naziri Əli Falih əl-Zeydi bu təşəbbüsü humanitar və siyasi məsuliyyət kimi qiymətləndirib.
Pezeşkian isə qeyd edib ki, İran region ölkələri ilə münaqişə istəmir, lakin bəzi ölkələrdə yerləşən ABŞ hərbi bazalarının məktəblərə, xəstəxanalara və infrastruktur obyektlərinə qarşı hücumlarda istifadə olunduğunu iddia edib.
