Afət Ziyadqızı
Kremlin sözçüsü Dmitri Peskov Rusiyanın NATO ölkələrinə qarşı hər hansı hücum planları hazırlaması ilə bağlı Qərb mediasında yayılan məlumatları təkzib edib.
“Operativ Məlumat Mərkəzi – OMM” xəbər verir ki, “RIA Novosti”nin məlumatına görə, Peskov bu iddiaların reallığı əks etdirmədiyini bildirib.
Peskovun sözlərinə görə, son vaxtlar beynəlxalq mediada Rusiyanın NATO ölkələrinə qarşı planlar hazırlaması barədə çoxsaylı xəbərlər yayılır.
Kremlin sözçüsü bu məlumatları “qorxuducu hekayələr” adlandıraraq, onların Rusiyanın real niyyətləri ilə heç bir əlaqəsinin olmadığını vurğulayıb.
Peskov həmçinin bildirib ki, hazırda Rusiya özü Avropa ölkələrindən gələn aqressiya ilə üzləşir.
Onun sözlərinə görə, Rusiyanın guya NATO ölkələrinə qarşı təcavüzkar planlar hazırlaması barədə iddialar reallığın təhrif edilməsindən başqa bir şey deyil.
