"Ermənistanda Avropa İttifaqına yönəlmənin ölkəyə “əlavə dividendlər” gətirəcəyinə inanan siyasi qüvvələr var".
"Operativ Məlumat Mərkəzi-OMM" xarici KİV-ə istinadən xəbər verir ki, bu sözləri Rusiya prezidentinin mətbuat katibi Dmitri Peskov deyib.
O vurğulayıb ki, İrəvan Avrasiya İqtisadi İttifaqına (Aİİ) üzvlükdən dividendlər almaqda davam edir:
"Görünür, Ermənistanda müəyyən siyasi qüvvələr var ki, Avropa İttifaqına yönəlmənin, yəqin ki, Avropa İttifaqının özünün bunda maraqlı olub-olmadığını dəqiq dərk etmədiyinə görə, bu oriyentasiyanın ölkənin özü və bu ölkə xalqının maraqları üçün müəyyən əlavə dividendlər təmin edəcəyinə inanırlar. Hələlik biz ondan çıxış edirik ki, Ermənistan Avrasiya iqtisadi inteqrasiyası proseslərində Aİİ üzvlüyündən öz dividendlərini almağa davam edir".
