Afət Ziyadqızı
Ermənistanın hazırkı baş naziri Nikol Paşinyan 7 iyunda keçiriləcək parlament seçkilərindən sonra Rusiyaya səfər etməyi və prezident Vladimir Putinlə görüşməyi planlaşdırır.
“Operativ Məlumat Mərkəzi-OMM”xəbər verir ki, bu barədə xarici KİV məlumat yayıb.
“Rusiya Prezidenti 1 iyunda mənə zəng edərək ad günü təbrik etdi. Əlbəttə ki, təbriklərdən əlavə, işgüzar söhbətimiz də oldu. Və biz seçkilərdən sonra yenidən gedib görüşəcəyim və bütün cari məsələləri həll edəcəyimiz barədə razılığa gəldik”, - deyə Paşinyan seçki kampaniyası çərçivəsində seçicilərlə görüşdə bildirib.
O, bir daha Rusiya ilə münasibətlərdəki bütün mübahisəli məsələləri həll edəcəyinə söz verdi.
Paşinyan qeyd edib ki, Ermənistan AİB ilə bağlı Rusiya ilə mübahisə etməyəcək, lakin birlik respublika üçün birliyin yeni müsbət potensialını nümayiş etdirməlidir.
"Və mən tərəfdaşlarımıza deyirəm ki, AİB-in Ermənistana vura biləcəyi zərəri təsəvvür etməyə çalışmaq yaxşı fikir deyil. Yaxşı bir yol AİB-in Ermənistana gətirə biləcəyi yeni faydaları nümayiş etdirməkdir", - deyə o bildirib.
