Ermənistanın Baş naziri Nikol Paşinyan ABŞ-də keçiriləcək G20 sammitində iştirak edəcək.
“Operativ Məlumat Mərkəzi-OMM” "Armenpress"ə istinadən xəbər verir ki, bununla bağlı Paşinyan jurnalistlərə açıqlamasında bildirib.
"Belə bir dəvət almaq mənim üçün böyük şərəfdir və təbii ki, iştirak edəcəyəm", - Ermənistanın Baş naziri bildirib.
Məlumat üçün bildirək ki, dekabrın 14-15-də Mayami şəhərində keçiriləcək sammitə Azərbaycan, Finlandiya, İrlandiya, Qazaxıstan, Niderland, Norveç, Qətər, Sinqapur, İspaniya, Birləşmiş Ərəb Əmirlikləri, Özbəkistan və Vyetnam da dəvət olunub. Polşa da xüsusi dəvət alan ölkələr sırasındadır.