Əli Məmmədli
Fransanın paytaxtı Parisdə 5 bankın baş ofisində vergidən yayınma şübhəsi ilə axtarış aparılıb.
"Operativ Məlumat Mərkəzi-OMM" xarici mediaya istinadən xəbər verir ki, Fransa mətbuatında çıxan xəbərlərə görə, Milli Maliyyə Prokurorluğu (PNF) Societe Generale, BNP Paribas, Exane, Natixis və HSBC banklarında axtarışlar aparır.
Prokurorluq bu 5 bankın La Defense bölgəsindəki qərargahına, onların yüksək dərəcədə vergidən yayındıqları səbəbi ilə basqın edib.
Axtarışın 2021-ci ilin dekabrında açılmış ilkin araşdırmalar çərçivəsində aparıldığı bildirilir.
“Le Monde” qəzetinin 2018-ci ildə bankların bu yolla hər il Fransaya milyardlarla dollar zərər vurması barədə məlumat yaymasından sonra prokurorluq 2021-ci ildə ilkin araşdırmaya başlayıb.
