Afət Ziyadqızı
Pakistan Ordusunun Baş Qərargah rəisi, feldmarşal Syed Asim Munir çərşənbə axşamı İslamabadda səfərdə olan İran Prezidenti Məsud Pezeşkian ilə görüşüb.
"Operativ Məlumat Mərkəzi-OMM" xəbər verir ki, görüş İran dövlət başçısının qaldığı oteldə baş tutub.
Məlumata görə, tərəflər arasında aparılan danışıqlarda ikitərəfli hərbi-siyasi əməkdaşlıq və regional təhlükəsizlik məsələləri əsas müzakirə mövzusu olub.
Bildirilib ki, görüş zamanı sərhəd təhlükəsizliyi və bölgədə sabitliyin qorunması istiqamətində əməkdaşlığın gücləndirilməsinin vacibliyi vurğulanıb.
Qeyd olunub ki, bu görüş İran Prezidentinin Pakistana rəsmi səfəri çərçivəsində baş tutan mühüm diplomatik təmaslardan biri kimi qiymətləndirilir.
