“ABŞ prezidenti Donald Tramp müharibələrin bitməsini istəyir. Bu məsələ ilə bağlı yaxın günlərdə nə baş verəcəyini görəcəyik, amma irəliləyiş görmək istəyirik".
"Operativ Məlumat Mərkəzi-OMM" xarici KİV-ə istinadən xəbər verir ki, bunu ABŞ dövlət katibi Rubio deyib.
ABŞ dövlət katibi Marko Rubio Antalyadakı NEST Konqres Mərkəzində keçirilən NATO Qeyri-rəsmi Xarici İşlər Nazirləri Toplantısının ikinci gününə başlayarkən mətbuat mənsublarına açıqlama verib.
Rubio qeyd edib ki, bugünkü görüşün mühüm əhəmiyyəti var və onlar NATO-da "zəif əlaqələrin olmaması" üçün işləri davam etdirəcəklər.
"Tramp müharibələrə, terrorizmə və onların nəticəsində yaranan qeyri-sabitliyə qarşıdır. Ona görə də o, Suriya ilə bağlı belə bir qərar verdi. Ümid edirik ki, oradakı hakimiyyət bu fürsətdən istifadə edərək ölkəni yenidən quracaq və onu qeyri-sabitlik mənbəyindən sabitlik mənbəyinə çevirəcək", - Rubio bildirib.
