Ermənistanın Baş naziri Nikol Paşinyan Polşaya iki günlük rəsmi səfərə yola düşüb.
Bu barədə “Operativ Məlumat Mərkəzi-OMM” Ermənistan KİV-ə istinadən xəbər verir.
Səfər çərçivəsində Paşinyan Polşanın Baş naziri Donald Tuskla görüşəcək. Bu görüşdən sonra Ermənistan və Polşa baş nazirləri KİV nümayəndələri qarşısında birgə bəyanatlarla çıxış edəcəklər.
Rəsmi səfər proqramına əsasən, Nikol Paşinyan həmçinin Polşa Prezidenti Karol Navrotski və Senatın sədri Malqojata Kidava-Blonska ilə görüşlər keçirəcək.
Bundan əlavə, Baş nazir Polşa Beynəlxalq Münasibətlər İnstitutunu ziyarət edəcək və burada Polşanın analitik mərkəzlərinin nümayəndələri ilə müzakirələr aparacaq.
