OMM Redaksiyası
Almaniya millisinin və Dortmund "Borussiya"sının müdafiəçisi Niko Şlotterbekin klubu ilə imzaladığı yeni müqavilə onun uzun müddət bu komandada qalacağına zəmanət vermir.
"Operativ Məlumat Mərkəzi-OMM" xəbər verir ki, əksinə, yeni sözləşmədə futbolçunun gələcək karyerası üçün xüsusi bir bənd öz əksini tapıb.
Məlumata görə, müqavilədə yalnız məhdud sayda klublar üçün keçərli olan 50-60 milyon avro məbləğində sərbəstqalma (təzminat) bəndi mövcuddur. Bu şərt artıq bu yaydan etibarən qüvvəyə minir.
Şlotterbekin çıxış etmək istədiyi xəyalındakı klublar siyahısında "Bavariya" və "Real Madrid" yer alır.
Qeyd olunan sərbəstqalma bəndinin məhz bu nəhənglərə şamil edildiyi ehtimal olunur. Vəziyyət isə aşağıdakı kimidir:
- "Real Madrid" dəfələrlə alman müdafiəçiyə maraq göstərib.
- "Bavariya" isə Dayo Upamekano ilə müqaviləni yenilədikdən sonra bu transferə o qədər də isti yanaşmır. Həmçinin, klub rəsmisi Maks Eberlin Şlotterbekin keyfiyyətlərinə tam əmin olmadığı bildirilir.
Qeyd edək ki, müdafiəçi aparıcı klublardan konkret təkliflər gözləsə də, heç bir rəsmi müraciət almadığı üçün "Borussiya" ilə müqaviləsini yeniləmək qərarına gəlib. Lakin o, xüsusi bənd vasitəsilə gələcək transferlər üçün qapını açıq saxlayıb.
