OMM Redaksiyası
Azərbaycan gimnastı Nikita Simonov Niderlandın Rotterdam şəhərində keçirilən idman gimnastikası üzrə dünya çempionatındakı çıxışını dəyərləndirib. O, finala yüksəlmək üçün 0,133 xalın çatmadığını bildirib.
Simonov sosial şəbəkə hesabında yarışda daha yaxşı nəticə göstərməyi planlaşdırdığını, ancaq səhhətindəki problemlər səbəbindən proqramını yüngülləşdirdiyini yazıb. Gimnastın sözlərinə görə, finala vəsiqə gözləyən idmançılar arasında ilk sırada olub, lakin planlaşdırdığı hərəkətləri yerinə yetirə bilməyib.
«Maksimum gücümü ortaya qoymadım, risk etmədim, xəstələndim... Belə də olur, mən dəmir deyiləm», – deyə Simonov qeyd edib. O, bu nəticəni özü üçün dərs və böyük təcrübə adlandırıb.
Azərbaycan təmsilçisi səhvləri üzərində daha yaxşı işləyəcəyini, təlim-məşq toplanışlarını və hazırlıq prosesini diqqətlə planlaşdıracağını, bərpaya daha çox vaxt ayıracağını bildirib. Simonov qarşıda yeni mövsümün və 2027-ci il Olimpiya Oyunlarına vəsiqə uğrunda mübarizənin olduğunu vurğulayıb.
Dünya çempionatı oktyabrın 25-də başa çatıb.
