Misli Premyer Liqasında XXI turdan təxirə salınmış "Neftçi" – "Qarabağ" matçının təyinatları məlum olub.
"Operativ Məlumat Mərkəzi-OMM" Peşəkar Futbol Liqasının rəsmi saytına istinadən xəbər verir ki, qarşılaşmanın baş hakimi Kamranbəy Rəhimov olacaq. Ona Rəhman İmami və Müslüm Əliyev köməklik göstərəcəklər.
Dördüncü hakim funksiyasını Rəşad Əhmədov yerinə yetirəcək. VAR-da Elçin Məsiyev, AVAR-da Elşad Abdullayev əyləşəcək.
Xatırladaq ki, aprelin 30-da "Palms Sports Arena"da keçiriləcək "Neftçi" - "Qarabağ" oyunu saat 20:00-da start götürəcək.
