NATO-nun baş katibi Mark Rutte bildirib ki, təşkilat Danimarkanın Baş naziri Mette Frederiksen ilə birgə Arktikada çəkindirmə və müdafiəni gücləndirmək üçün çalışır.
“Operativ Məlumat Mərkəzi-OMM”-in xəbərinə görə, Rutte bunu ABŞ Prezidenti Donald Trampın Qrenlandiyaya iddiasından sonra X sosial media platformasında açıqlayıb. Avropa Komissiyasının prezidenti Ursula fon der Leyen isə daha əvvəl bildirib ki, Avropa İttifaqı sammitində Arktika zonasında hərbi əməliyyatlar üçün silah və hərbi texnikanın, o cümlədən buzqıran gəmilərin alınmasının artırılması barədə qərar qəbul edib.
Qrenlandiya Danimarka Krallığının bir hissəsidir. Lakin ABŞ Prezidenti Donald Tramp dəfələrlə adanın Amerika dövlətinin bir hissəsinə çevrilməli olduğunu vurğulayıb.
