ÜST-ün baş direktoru Tedros Adhanom Qebreyesus bildirib ki, MV Hondiusndə 11 sərnişinin hantavirus testinin nəticəsi müsbət çıxıb.
Redaktor.az xəbər verir ki, Ümumdünya Səhiyyə Təşkilatının rəhbəri bu barədə Pedro Sançez ilə birgə keçirdiyi mətbuat konfransında danışıb.
Onun sözlərinə görə, yoluxma halları gəminin sərnişinləri və heyət üzvləri arasında qeydə alınıb. Aşkarlanan hallardan doqquzunda Andes virus təsdiqlənib, digər iki nəfərdə isə ehtimal olunan yoluxma müəyyən edilib.
Qebreyesus qeyd edib ki, bütün şübhəli və təsdiqlənmiş hallar təcrid olunub və ciddi tibbi nəzarət altındadır. O bildirib ki, hazırda virusun daha geniş yayılması riski nəzarət altındadır.
ÜST rəhbəri həmçinin vurğulayıb ki, uzun müddət qapalı məkanda qalmaq bəzi sərnişinlərdə psixoloji gərginlik və əsəb pozuntularına səbəb olub.
