Müdafiə Nazirliyinin hava hücumundan müdafiə sistemləri Moskvaya doğru uçan 21 dron aşkar edib. Bu barədə Moskva meri Sergey Sobyanin məlumat verib.
"Operativ Məlumat Mərkəzi-OMM" xəbər verir ki, bu barədə mer özünün rəsmi teleqram kanalında paylaşım edib.
Məlumata görə, Sergey Sobyanin ilk olaraq hava hücumundan müdafiə qüvvələri tərəfindən paytaxta doğru hərəkət edən iki PUA-nın vurulduğunu və təcili yardım xidmətlərinin dərhal qəza yerində işə başladığını bildirib. Daha sonra mer hava hücumunun miqyasının böyüdüyünü və daha 19 PUA-nın da zərərsizləşdirildiyini əlavə edib.
Bildirilib ki, şəhər rəhbərinin dərc etdiyi son məlumatlara əsasən, günün əvvəlindən bəri paytaxta yaxınlaşarkən vurulan PUA-ların ümumi sayı artıq 80-ə çatıb.
