"Real Madrid"in yarımmüdafiəçisi Luka Modriç Çempionlar Liqasının yarımfinal mərhələsinin ilk oyununda "Mançester Siti" ilə matçda oynaya biləcək.
"Operativ Məlumat Mərkəzi-OMM" xəbər verir ki, bu barədə klubun baş məşqçisi Karlo Ançelotti məlumat verib.
Xorvatiyalı aprelin 25-də La Liqada "Jirona" ilə oyunda (2:4) əzələsindən zədə alıb. Mayın 6-da Modriç "Osasuna" ilə İspaniya kubokunun finalında (2:1) cəmi 8 dəqiqə oynayıb. Onun zədəsi sağalıb və "Mançester Siti"yə qarşı oynaya biləcək.
