“Real Madrid”in transfer gündəmi ilə bağlı yeni iddialar ortaya çıxıb.
“Operativ Məlumat Mərkəzi-OMM” xəbər verir ki, yayılan məlumatlara əsasən, komandanın baş məşqçisi Joze Mourinyo “Mançester Siti”nin hücumçusu Erlinq Haalandın transferinə müsbət yanaşır.
Məlumata görə, portuqaliyalı mütəxəssis norveçli futbolçunun komandanın hücum xəttini daha da gücləndirəcəyini hesab edir. Lakin Mourinyo bu keçidin yalnız heyətdaxili balansın pozulmayacağı təqdirdə reallaşmasını istəyir.
İddialara əsasən, Haalandın transferi baş tutacağı halda, “Real Madrid” hazırkı hücum xəttindəki ulduz futbolçulardan biri ilə yollarını ayırmalı olacaq. Klub rəhbərliyinin bu transferi reallaşdırmaq qərarı verəcəyi təqdirdə, braziliyalı hücumçu Vinisius Juniorun transfer siyahısına çıxarılması ehtimalı yüksək qiymətləndirilir.
Qeyd edək ki, Erlinq Haaland 2025/26 mövsümündə bütün turnirlər üzrə keçirdiyi 52 oyunda 38 qol vurub və 9 məhsuldar ötürmə ilə yadda qalıb.
