Misirin İsmailiyyə şəhərində 5,3 bal gücündə zəlzələ qeydə alınıb.
“Operativ Məlumat Mərkəzi-OMM” xəbər verir ki, bununla bağlı xarici KİV məlumat yayıb.
Həmçinin oxuyun
Türkiyənin Malatya şəhərində 4,5 ballıq zəlzələ baş verib
Bildirilib ki, yeraltı təkanlar təkcə Misirdə deyil, həmçinin İordaniya, Livan, Fələstin və İsraildə də hiss olunub.
Qeyd olunub ki, zəlzələ yerli vaxtla saat 03:00-da baş verib.
Yeraltı təkanların ocağı 5,47 kilometr dərinlikdə yerləşib.
Misir mətbuatının yaydığı xəbərlərə görə, zəlzələ paytaxt Qahirə də daxil olmaqla bir sıra şəhərlərdə hiss edilib.
İlkin məlumata əsasən, təbii hadisə nəticəsində insan tələfatı və ya ciddi dağıntı qeydə alınmayıb.
Səlahiyyətli qurumlar vəziyyəti nəzarətdə saxlayır və hadisə ilə bağlı monitorinq davam etdirilir.
