Mirbağır İsayev: Azərbaycan millisi Litva ilə oyunda qələbəyə layiq idi

Azərbaycan futbol millisi UEFA Millətlər Liqasının yeni mövsümündə Litva ilə keçirdiyi ilk oyunda 1:1 hesablı heç-heçəyə razılaşıb.

UEFA-nın Elit Məşq Layihəsinin rəhbəri Mirbağır İsayev qarşılaşmadan sonra Azərbaycan millisinin qələbəyə layiq olduğunu bildirib. O, komandanın oyununu yüksək qiymətləndirib.

“Komanda Azərbaycan adına layiqincə vuruşdu. Ən sevindirici məqam futbolçuların uduzmaq istəməməsi idi. Hesabda geri olsalar da, bir xal qazana bildilər. Mən baş məşqçi Ayxan Abbasova inanıram. Yaradılan ab-hava göstərir ki, o, heyəti psixoloji cəhətdən yüksək səviyyədə hazırlayıb”, – deyə İsayev bildirib.

Veteran futbolçu qeyd edib ki, əvvəlki illərdən fərqli olaraq, komanda bir qol buraxdıqdan sonra mübarizəni dayandırmayıb: “Futbolçuların meydanın hər qarışı üçün mübarizə apardığını gördük. Həmin qarşılaşmada yığma üç xala layiq idi”.

İsayev Azərbaycan millisinin Lixtenşteynlə keçiriləcək iki oyunda qələbə qazanacağına inandığını da deyib. Onun sözlərinə görə, bu qarşılaşmalarda komandanın qalib gəlmək şansı 80 faizdir.

Azərbaycan millisi D Liqasının 2-ci qrupunda növbəti matçını oktyabrın 1-də Lixtenşteynə qarşı keçirəcək.