Rusiya Müdafiə Nazirliyi Ukraynanın Odessa limanına qarşı gecə saatlarında hərbi əməliyyat keçirildiyini açıqlayıb.
“Operativ Məlumat Mərkəzi-OMM” xəbər verir ki, bu barədə Rusiya Müdafiə Nazirliyinin yaydığı məlumatda bildirilib.
Bildirilib ki, hücum zamanı Odessa limanı ərazisində hərbi yüklərin daşınması və saxlanması üçün istifadə olunan infrastruktur obyektləri məhv edilib.
Məlumata görə, əməliyyat zamanı Odessa şəhərində yerləşən pilotsuz uçuş aparatlarının (PUA) ehtiyat hissələrinin istehsal edildiyi emalatxana və PUA-ların saxlanıldığı anbar hədəfə alınıb.
Rusiya Müdafiə Nazirliyi zərbələrin yüksək dəqiqlikli silahlar və pilotsuz uçuş aparatları vasitəsilə həyata keçirildiyini bildirib. Ukrayna tərəfi isə hadisə ilə bağlı hələlik rəsmi açıqlama verməyib.
