Rusiya və Azərbaycan AZAL-a məxsus təyyarənin qəzası ilə bağlı yaranmış bütün məsələləri tənzimləyib.
"Operativ Məlumat Mərkəzi-OMM" xəbər verir ki, bu barədə Rusiyanın xarici işlər nazirinin müavini Mixail Qaluzin RTVI telekanalına müsahibəsində bildirib.
"Bilirsiniz, biz Azərbaycan sərnişin təyyarəsinin qəzası ilə bağlı bütün məsələləri tənzimləmişik. Lakin söhbət ağır faciə yaşamış, əvəzolunmaz itki ilə üzləşmiş konkret insanlardan gedir. Buna görə də, açığı, bu məsələnin təfərrüatlarına varmaq istəməzdim", – deyə Qaluzin qeyd edib.
