Meksikada "Otis" qasırğası nəticəsində ölənlərin sayı 48-ə çatıb.
"Operativ Məlumat Mərkəzi-OMM" xəbər verir ki, bu barədə Meksika hökumətinin saytında məlumat verilib.
Akapulko-de-Xuaresdə 43, Koyuka-de-Benitezdə isə 5 nəfər həlak olub. Altı nəfər hələ də itkin düşmüş hesab olunur.
120 xəstəxana və klinikaya müxtəlif dərəcəli ziyan dəyib. Bölgədə qasırğanın nəticələrinin aradan qaldırılması işlərinə 8,5 minə yaxın hərbi qulluqçu və enerji şirkətlərinin 1,3 min əməkdaşı cəlb olunub.
"Otis" qasırğası oktyabrın 25-nə keçən gecə Akapulko şəhəri yaxınlığında qeydə alınıb. Qasırğa daxilində küləyin maksimal sürəti 75 m/s-ə çatıb. Bundan əvvəl 39 nəfərin öldüyü bildirilirdi.
