Meksika ABŞ ilə 1944-cü ildə imzalanmış suyun bölüşdürülməsi sazişinin bir hissəsi olaraq Rio Qrande çayından Texas ştatına su axınındakı ABŞ payını artırmağı öhdəsinə götürüb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
ABŞ prezidenti Donald Trampın ikinci dəfə prezidentliyə başlamasından bu yana iki ölkə arasında gərginlik dəfələrlə gündəmdə olsa da, ABŞ və Meksika 1944-cü ildə imzalanan su paylaşım razılaşması çərçivəsində yeni bir addım atıb.
ABŞ Dövlət Departamenti məsələ ilə bağlı bəyanat da yayıb: “Meksika cari beş illik su dövrünün sonuna qədər Rio-Qrande çayından gələn su axınında Birləşmiş Ştatların payını artırmağı öhdəsinə götürüb”.
Açıqlamada, həmçinin qeyd olunub ki, razılaşma Texasdakı fermerlərə Meksikanın Rio Qrande çayından gələn su axınından faydalanmaq və bölgədə su qıtlığının qarşısını almaq məqsədi daşıyır.
