“Mançester Yunayted”in yeni baş məşqçisi Maurisio Poçettino təyinatından sonra klubun azarkeşlərinə müraciət edib. Argentinalı mütəxəssis noyabrın 18-də Mançesterə gəlib və vəzifəsinin icrasına başlayıb.
“Salam, qırmızılar! Mən Maurisio Poçettinoyam. Sizinlə görüşməyi səbirsizliklə gözləyirəm. Haqqınızda çox yaxşı sözlər eşitmişəm. Ümid edirəm ki, birlikdə çalışaraq və bir araya gələrək xoşbəxt olacağıq.
Bu, xüsusi mövsüm olacaq. Layiq olduğumuz nəticələrə nail olmaq üçün meydanda mübarizə aparan futbolçularımızı dəstəkləməliyik”, – deyə Poçettino klubun mətbuat xidmətinin sosial şəbəkədə yayımladığı videoda bildirib.