OMM Redaksiyası
Milyarder İlon Mask "SpaceX" şirkətinin prioritetlərinin Marsın mənimsənilməsindən Ay proqramının icrasına doğru dəyişdiyini təsdiqləyib.
"Operativ Məlumat Mərkəzi-OMM" xəbər verir ki, bu barədə o, özünə məxsus "X" sosial şəbəkəsində məlumat paylaşıb.
Maskın sözlərinə görə, on ildən az bir müddətdə Ayda "özünü təmin edən" şəhər salınacaq, "Mars" bazasının tikintisinə isə təxminən 5-7 ildən sonra başlanılacaq.
İş adamı qeyd edib ki, sivilizasiyanın gələcəyini daha qısa müddətdə təmin etmək üçün Ay proqramı hazırda daha vacib prioritetdir.
Eyni zamanda, 2027-ci ilin martında "SpaceX" tərəfindən Aya pilotsuz eniş aparatının göndərilməsi planlaşdırılır.
Xatırladaq ki, ötən il isə Mask 2026-cı ilin sonuna qədər Marsa pilotsuz missiya göndərəcəyinə söz vermişdi.
