Marko Rubio Kuba hakimiyyətini ölkə ərazisini ABŞ-yə düşmən ölkələrin kəşfiyyat xidmətlərinə açmaqda günahlandırıb.
"Operativ Məlumat Mərkəzi-OMM" xəbər verir ki, bu barədə o, Fox News kanalına verdiyi müsahibədə danışıb.
Rubio bildirib: “Xarici hərbi, kəşfiyyat və ya təhlükəsizlik xidmətlərinin bizdən 90 mil məsafədə cəzasız fəaliyyət göstərməsinə icazə verməyəcəyik”.
Məlumata görə, o, açıqlamasında konkret ölkə adlarını çəkməsə də, media orqanları Kubanın keçmişdə SSRİ və hazırda Rusiya ilə, həmçinin Çin ilə əməkdaşlığını qeyd edib.
Rubio əlavə edib ki, Kubada iqtisadi irəliləyiş yalnız ciddi islahatlarla mümkün ola bilər və mövcud idarəetmə modeli bunu təmin etmir.
Qeyd olunur ki, ABŞ Prezidenti Donald Tramp da daha əvvəl Kuba ilə bağlı sərt mövqe nümayiş etdirərək region siyasətini davam etdirmək niyyətini açıqlayıb və ölkədə iqtisadi böhran ehtimalından danışıb.
