"Mançester Yunayted" Kamerun millisinə çağırılan qapıçısı Andre Onananı hələlik yığmaya buraxmaq istəmir
"Operativ Məlumat Mərkəzi-OMM" "Daily Mail"ə istinadən xəbər verir ki, buna səbəb komandanın "Tottenhem"lə vacib oyununun olmasıdır.
Premyer Liqasının 21-ci turuna təsadüf edən oyun yanvarın 14-də keçiriləcək. Kamerun millisi isə yanvarın 15-də Afrika Millətlər Kubokunun qrup mərhələsində Qvineya ilə qarşılaşacaq. Hazırda Kamerun Futbol Assosiasiyası və "Mançester Yunayted" arasında danışıqlar gedir.
Klub qapıçını yanvarın ortalarına qədər komandada saxlamaq istəyir.
Qeyd edək ki, Avropanın bir çox klubu futbolçularının çempionatın ortasında Afrika Millətlər Kubokunun oyununa görə komandanı tərk etməsinə qarşıdır.
