"Mançester Siti"nin müdafiəçisi Yoşko Qvardiol və hücumçu Cek Qriliş "Brentford"la qarşıdakı oyunda komandaya kömək edə bilməyəcək.
"Operativ Məlumat Mərkəzi-OMM" xəbər verir ki, bu barədə "şəhərlilər"in baş məşqçisi Xosep Qvardiola mətbuat konfransında məlumat verib.
Eyni zamanda ispaniyalı mütəxəssis digər bütün futbolçuların formada olduğunu və matçda iştirak etməyə hazır olduğunu qeyd edib.
İngiltərə Premyer Liqasının 18-ci turunun təxirə salınmış "Mançester Siti" - "Brentford" oyunu sabah, fevralın 20-də keçiriləcək.