Gürcüstan millisinin və İspaniyanın "Valensiya" komandasının qapıçısı Qeorqi Mamardaşvili İngiltərə Premyer Liqasına keçə bilər.
"Operativ Məlumat Mərkəzi-OMM" "The Times" nəşrinə istinadən xəbər verir ki, qapıçının imzalanmasında "Nyukasl" klubu maraqlıdır.
Komandanın baş məşqçisi Eddi Hau futbolçunu növbəti mövsümdə komandasında görmək istəyir.
İspaniya çempionatının bu mövsümündə Mamardaşvili 27 oyun keçirib və 31 qol buraxıb.
"Transfermarkt" portalı qapıçının bazar dəyərini 30 milyon avro olaraq qiymətləndirir.
