Avropa Şurası Nazirlər Komitəsinə sədrlik 6 ay müddətinə Lüksemburqdan Maltaya keçib.
"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.
Malta Baş nazirinin müavini, Xarici İşlər və Turizm Naziri Yan Borq bildirib ki, onun ölkəsi Nazirlər Komitəsinə sədrliyi dövründə uşaqların müdafiəsi, ayrı-seçkiliklə mübarizə, Ukraynaya dəstək və gənclərin səlahiyyətlərinin artırılmasına diqqət yetirəcək.
Bildirilib ki, Xarici İşlər Nazirləri Şurasının builki iclasının gündəmində Ukraynaya dəstək, ətraf mühit, demokratiya, rəqəmsallaşma və ayrı-seçkiliklə mübarizə məsələləri yer alacaq.
