“Levante” “Sevilya” ilə oyunda 90+10-cu dəqiqədə heç-heçəyə nail oldu

İspaniya La Liqasının 2026/2027 mövsümünün 8-ci turunda “Levante” doğma meydanda “Sevilya” ilə qarşılaşıb. Valensiyadakı “Syudad de Valensiya” stadionunda keçirilən görüş 3:3 hesabı ilə yekunlaşıb.

Qonaqlar Robbi Yurun 13-cü dəqiqədə vurduğu qolla önə keçib. Feliks Korreyya 54-cü dəqiqədə fərqi iki topa çatdırıb. “Levante” 57-ci dəqiqədə İvan Romeronun qolu ilə hesabı azaldıb.

Adrian de la Fuente 90+2-ci dəqiqədə hesabı bərabərləşdirib. İsaak Romero 90+5-ci dəqiqədə “Sevilya”nı yenidən önə çıxarıb. Lakin “Levante” 90+10-cu dəqiqədə İfeanyi Ndukvunun qolu ilə məğlubiyyətdən xilas olub.

İsaak Romero 90+6-cı dəqiqədə qırmızı vərəqə alaraq meydandan qovulub. Beləliklə, komandalar altı qolun vurulduğu görüşdən hərəyə bir xalla ayrılıblar.