Ronaldu “Əl-Nəsr”in “Neftçi” üzərində qələbəsinə qol vurmaqla töhfə verdi

“Əl-Nəsr” Asiya Çempionlar Liqasının ümumi mərhələsinin ikinci turunda “Neftçi”ni 3:1 hesabı ilə məğlub edib. Oktyabrın 12-də Ər-Riyaddakı “Kinq Səud Universiteti” stadionunda keçirilən görüşdə meydan sahibləri fasiləyə 2:0 hesabı ilə öndə yollanıblar.

“Əl-Nəsr”in heyətində Anjelo 33-cü, Kriştiano Ronaldu isə 42-ci dəqiqədə fərqlənib. “Neftçi”nin futbolçusu Əlşer Odilov 51-ci dəqiqədə hesab arasındakı fərqi azaldıb. Qonaqların müdafiəçisi Ənvərjon Qafurov 78-ci dəqiqədə avtoqolla yadda qalıb.

“Neftçi”nin futbolçusu İkromjon Alibayev 65-ci dəqiqədə qırmızı vərəqə alaraq meydandan qovulub. Ronaldu üçün bu qol karyerasında 981-ci olub.

Bu nəticədən sonra “Neftçi” Qərb zonasının turnir cədvəlində üç xalla yeddinci, “Əl-Nəsr” isə eyni xalla səkkizinci pillədə qərarlaşıb.