OMM Redaksiyası
Londonun "Arsenal" klubunun vingeri Leandro Trossard karyerasını İngiltərə Premyer Liqasının (APL) başqa bir komandasında davam etdirə bilər.
"Operativ Məlumat Mərkəzi-OMM" "Football Insider" nəşrinə istinadən xəbər verir ki, 31 yaşlı futbolçunun xidmətində hazırda ən real namizəd qismində "Aston Villa" çıxış edir.
Belçikalı futbolçu "Aston Villa"nın baş məşqçisi Unai Emerinin rəhbərlik etdiyi komandaya keçməyə müsbət yanaşır.
Trossardın "Arsenal" ilə hazırkı müqaviləsinin müddəti gələn il başa çatır. Bu səbəbdən, "topçular" oyunçunu sərbəst buraxmamaq və transferindən gəlir əldə etmək üçün onu bu yay satmağa hazırdırlar.
Məşhur "Transfermarkt" portalı təcrübəli vingerin bazar dəyərini 18 milyon avro olaraq qiymətləndirir.
Xatırladaq ki, ötən mövsüm "Arsenal" İngiltərə çempionatını qələbə ilə başa vurduğu halda, "Aston Villa" turnir cədvəlində dördüncü pillədə qərarlaşaraq Çempionlar Liqasına vəsiqə qazanıb.
