"Rusiya istəyir ki, biz əvvəlki kimi olaq, yəni bizim əvəzimizə Rusiya hakimiyyəti öz qərarlarını versin".
"Operativ Məlumat Mərkəzi-OMM" xəbər verir ki, bunu Ermənistanın “Vətəndaş müqaviləsi” partiyasından olan millət vəkili Qaqik Melkonyan jurnalistlərə açıqlamasında deyib.
“Üç dəfə ölkəmizə qarşı eskalasiya oldu, biz müraciət etdik, nə KTMT, nə də Rusiya cavab verdi. Onlara üz tutmağın mənası yoxdur. Bəli, heç bir mənası yoxdur. Lavrov nə deyir? Lavrov hər şeyi deyir. Həmişə nəsə deyir, amma dediklərini əsas götürmək olmaz. Lavrov daim ölkəmizi məhv etmək istəyir. Rusiyanın müttəfiqi Azərbaycandır”, - deyə Melkonyan bildirib.
