Afət Ziyadqızı
Türkiyədə yerləşən S-400 zenit-raket komplekslərinin başqa ölkəyə köçürülməsi məsələsi Rusiyanın gündəliyindədir.
“Operativ Məlumat Mərkəzi-OMM” xəbər verir ki, bunu Rusiya Prezidentinin mətbuat katibi Dmitri Peskov açıqlayıb.
Onun sözlərinə görə, məsələ ilə bağlı müvafiq iş aparılır və tərəflər arasında əlaqələr davam etdirilir.
“Belə bir məsələ gündəmdədir, müvafiq iş aparılır və uyğun təmaslar həyata keçirilir”, – Kreml nümayəndəsi deyib.
Türkiyənin xarici işlər naziri Hakan Fidan daha əvvəl bildirib ki, Ankara S-400 komplekslərinin reeksportu ilə bağlı bütün tərəflərlə danışıqları davam etdirir.
Rusiya xarici işlər naziri Sergey Lavrov isə daha əvvəl Moskvanın S-400 sistemlərinin Türkiyədən dost ölkəyə köçürülməsinə razı ola biləcəyini açıqlayıb.
