Kamçatka sahillərində 6,0 və 5,7 maqnitudalı iki zəlzələ qeydə alınıb.
“Operativ Məlumat Mərkəzi-OMM” Rusiya Elmlər Akademiyasının (REA) Vahid Geofizika Xidmətinə istinadən xəbər verir ki, hər iki zəlzələ iyulun 15-də altı dəqiqə fasilə ilə baş verib.
Qeyd olunur ki, yeraltı təkanların episentrləri Petropavlovsk-Kamçatskdan cənub-şərqdəki akvatoriyada yerləşib.
6,0 maqnitudalı ilk zəlzələ şəhərdən 210 km aralıda, 64,6 km dərinlikdə qeydə alınıb. 5,7 maqnitudalı ikinci yeraltı təkan Petropavlovsk-Kamçatskdan 206 km aralıda, 72 km dərinlikdə baş verib.
