"Yuventus"da çıxış edən italiyalı müdafiəçi Andrea Kambiaso Dumanlı Albiona keçə bilər.
"Operativ Məlumat Mərkəzi-OMM" xəbər verir ki, bu barədə “The Sun” məlumat yayıb.
Məlumata görə, müdafiəçinin xidmətində "Mançester Siti" maraqlıdır.
Kambiaso yay transfer pəncərəsində klubu dəyişə bilər. Futbolçunun potensial transfer dəyəri 40 milyon avro olaraq qiymətləndirilir.
Cari mövsümdə Andrea “Qoca sinyora”nın heyətində 39 matçda iştirak edib. Müdafiəçi 2 qol vurub və 3 məhsuldar ötürmə edib.
Onun "Yuventus"la müqaviləsi 2029-cu ilin iyunun sonuna kimidir.
