Avropa İttifaqının (Aİ) xarici siyasət və təhlükəsizlik məsələləri üzrə ali nümayəndəsi Jozep Borrell Qəzzadakı müharibənin Livan və bölgəyə təsiri ilə bağlı Beyrutda əhəmiyyətli görüşlər keçirəcəyini açıqlayıb.
"Operativ Məlumat Mərkəzi-OMM" xəbər verir ki, bu barədə o, "X" hesabında yazıb.
"Bu çətin anlarda dəstək göstərmək üçün Livana qayıtmaqdan şadam. Qəzza müharibəsinin Livan və bölgəyə təsiri ilə bağlı əhəmiyyətli görüşlər olacaq", - diplomat bildirib.
J.Borrell əsas məqəsdin regional gərginliyin qarşısını almaq olduğunu qeyd edib:
"Prioritet regional gərginliyin qarşısını almaq, həmçinin İsrail, Fələstin və regionda ədalətli və dayanıqlı sülhə nail olmaq üçün şərait yaratmaq məqsədilə diplomatik səyləri inkişaf etdirməkdir".
