İsrail Müdafiə Ordusu, Livan ərazisində yerləşən "Əl-Qüds" qüvvələrinə qarşı həyata keçirdiyi növbəti hərbi zərbə dalğasını başa çatdırıb.
“Operativ Məlumat Mərkəzi-OMM” agentliyinin ordunun mətbuat xidmətinə istinadən verdiyi xəbərə görə, İsrail təşkilatın hərbi infrastrukturuna, xüsusən də "Əl-Qüds"ün qərargahlarına silsilə zərbələr endirib.
"Livan korpusu "Hizbullah" və İran arasında əsas əlaqələndirici halqa, eləcə də "Hizbullah"ın hakimiyyətinin artırılmasını və möhkəmləndirilməsini dəstəkləyən mexanizm rolunu oynayır", - deyə rəsmi bəyanatda vurğulanıb.
İsrail ordusu əlavə edib ki, "İslami Cihad" təşkilatının "Hizbullah"la əlaqələndirmə və İsrailə qarşı əməliyyatların planlaşdırılması üçün istifadə etdiyi iki strateji mövqeyinə də zərbələr endirilib.
