İsrail Müdafiə Ordusu Tehrandakı hərbi obyektlərə qarşı həyata keçirilən növbəti hava hücumları seriyasının başa çatdığını açıqlayıb.
"Operativ Məlumat Mərkəzi-OMM" xəbər verir ki, İsrail Hərbi Hava Qüvvələri kəşfiyyat məlumatları əsasında paytaxtın müxtəlif bölgələrində yerləşən İran rəhbərliyinin komanda mərkəzlərinə zərbələr endirib.
Xatırladaq ki, fevralın 28-dən etibarən ABŞ və İsrail İrana qarşı genişmiqyaslı hərbi əməliyyatlara başlayıb. Təl-Əviv bu addımın məqsədinin Tehranın nüvə silahı əldə etməsinin qarşısını almaq olduğunu bəyan edib.
Donald Tramp isə öz növbəsində İranın donanmasını və müdafiə sənayesini məhv etmək niyyətində olduğunu bildirərək, ölkə vətəndaşlarını hakimiyyət dəyişikliyinə çağırıb.
