Milanın "Inter" klubunun yarımmüdafiəçisi Davide Frattesi İngiltərə Premyer Liqasında çıxış etmək təklifini qəbul edib.
"Operativ Məlumat Mərkəzi-OMM" tanınmış insayder Fabritsio Romanoya istinadən xəbər verir ki, 26 yaşlı futbolçu "Nottingem Forest" klubuna transfer olunmağa razılıq verib.
İtaliyalı oyunçu əvvəlcə karyerasını A Seriyasında davam etdirməyə üstünlük versə də, sonda "meşəlilər"in təklifinə müsbət cavab verib.
Hazırda tərəflər arasında razılaşmanın yekunlaşması üçün klubların öz aralarında transfer şərtlərini dəqiqləşdirməsi gözlənilir.
Qeyd edək ki, ötən mövsüm ərzində Davide Frattesi 33 matçda forma geyinib və 3 məhsuldar ötürmə ilə yadda qalıb.
"Transfermarkt" portalı hazırda futbolçunun bazar dəyərini 22 milyon avro olaraq qiymətləndirir.
